Nərgizxanım Biləndərli

Azərbaycan Beynəlxalq Bankının Baş Direktoru

Azərbaycanın Professional Maliyyə Menecerləri Assosiasiyası (APFM) ilə necə tanış olmusunuz və bu təşkilata nələr arzu edərdiniz? İlk dəfə belə bir təşkilatın fəaliyyəti haqqında korporativ müştərilərimiz olan qurumların maliyyə menecerlərindən eşitmişəm. Assosiasiyanın “Fi- nansist” jurnalı bu təşkilat haqqında təsəvvürlərimi genişləndirdi. Jurnalın yeni saylarını hər ay əldə edib maraqla oxuyuram. Ölkəmizdə peşəkar mühasibləri bir araya gətirən, onların fərdi inkişafına dəstək olan, təlim və beynəlxalq sertifikatlaşdırma fəaliyyətini həyata keçirən, geniş xarici əlaqələrə malik belə bir as- sosiasiyanın olması çox sevindiricidir. APFM-ə bugünkü fəaliyyətində və gələcək layihələrində uğurlar arzulayıram.

Əfqan Osmanov

“Xalq Həyat” Sığorta Şirkəti ASC-nin Maliyyə idarəsinin müdiri

APFM-in təşkil etdiyi təlimlərdə təlimçimiz hörmətli Rauf Rzayevin böyük əməyi olmuşdur. Biz mütəxəssislərə beynəlxalq təlimlərin və təcrübələrin qazanılması üçün göstərdikləri dəstəyə görə Rauf müəllimə və APFM kollektivinə dərin təşəkkürlərimi bildirirəm və fəaliyyətlərində daim uğurlar arzulayıram.

Aslan Məcidov

Rəqəmsal İnkişaf və Nəqliyyat Nazirliyinin Dövlət Radiotezliklər İdarəsində Maliyyə departamentinin müdiri

Mən, 1999-cu ildən etibarən maliyyə-mühasibat sahəsində çalışıram. Hal-hazırda Rəqəmsal İnkişaf və Nəqliyyat Nazirliyinin Dövlət Radiotezliklər İdarəsində Maliyyə departamentinin müdiri vəzifəsində işləyirəm. 2022-ci ildə APFM-ə (Azərbaycanın Professional Maliyyə Menecerləri Assosiasiyası) üzv olmuşam. Lakin APFM-lə tanışlığım 10 il bundan əvvələ təsadüf edir. APFM beynəlxalq akkreditasiyalara malik olan peşəkar təşkilatdır. 2012-ci ildə APFM-in təşkil etdiyi beynəlxalq təlimlərdə iştirak edərək “IAB Diploma in Accounting and Advanced Bookkeeping” diplomunu əldə etmişəm. Ötən ilin əvvəlində isə “Diploma in IFRS” beynəlxalq kvalifikasiya imtahınına hazırlıq üzrə təlimlərə qoşuldum və imtahandan uğurla keçərək ICFM- nin (Institute of Certified Financial Managers) diplomunu əldə etdim. Eyni zamanda DİM-in təşkil etdiyi PMS imtahanlarının 1-ci və 2-ci mərhələlərindən uğurla keçərək PMS (Peşəkar Mühasib Sertifikatı) sertifikatını almışam. Mənim və mənim kimi bir çox mütəxəssislərin peşəkarlığının artırılmasında APFM-in rolu danılmazdır. APFM kollektivinə mühasib və maliyyə mütəxəssislərinin inkişafında göstərdikləri əməyə görə dərin təşəkkürümü bildirirəm və fəaliyyətlərində daim uğur qazanmağı arzulayıram!

Anar Mahmudov

Azərişıq ASC-nin baş mühasibi, peşəkar mühasib

Mən, Azərbaycan Dövlət İqtisad Universitetindən mühasibat uçotu, nəzarət və təsərrüfat fəaliyyətinin təhlili ixtisası üzrə məzun olmuşam. 2006-cı ildən mühasib kimi fəaliyyət göstərirəm, 2018-ci ildən isə Azərişıq ASC-nin baş mühasibi vəzifəsində çalışıram. Peşəkar bilik və bacarıqlarımın artırılması, yeniliklərin tətbiqi üçün beynəlxalq kvalifikasiyalara malik olmağın üstünlüyü hər zaman məni düşündürüb və bu səbəblə də APFM-in üzvü olmuşam. Professional Maliyyə Menecerləri Assosiyasiyası beynəlxalq akkreditasiyalara malik olan peşəkar qurumdur. Mənim bu qurum ilə ilk tanışlığım çox əvvələ təsadüf edir. APFM-də beynəlxalq təlimlərdə iştirak edərək, IAB- Diploma in Advanced Bookkeeping, Dip IFR AZ diplomlarına sahib olmuşam. Bu yaxınlarda isə APFM tərəfindən təşkil olunmuş “Diploma in IFRS” beynəlxalq kvalifikasiya imtahanına hazırlıq təlimlərinə qoşuldum və bu imtahandan uğurlu nəticə əldə edərək PMS imtahanlarının 1-ci mərhələsindən azadolma hüququ əldə etdim. Qısa bir zamanda isə APFM tərəfindən yüksək səviyyədə təşkil olunmuş Qanunvericilik üzrə təlimlərdə iştirak edərək PMS 2- ci mərhələsi üzrə imtahandan da uğur qazanaraq PMS sertifikatı əldə etdim. Paralel olaraq, APFM sayəsində nəzəri biliklərimi artırdım və hazırda bu bilikləri praktikada daha geniş istifadə etməyə başlamışam.

Lamiyyə Kərimova

Azərbaycan Respublikası Dövlət Neft Fondu, baş mühasibin müavini
Mən, Azərbaycan Respublikası Dövlət Neft Fondunda 2002-ci ildən etibarən Baş mühasibin müavini vəzifəsində çalışıram. 2020-ci ildən APFM-in üzvüyəm. Qeyd edim ki, peşəkar mühasib kimi inkişafımda APFM-in də böyük rolu var. Belə ki, 2021- ci ildə Sevil Babayevanın MHBS üzrə təlimini müvəffəqiyyətlə başa çatdırdıqdan sonra ICFM-in (The Institute of Certified Financial Managers) Diploma in IFRS sertifikatını əldə etmişəm. Daha sonra, Rəşad Əhmədovun “Vergi qanunvericiliyi” üzrə təlimini keçərək PMS (Peşəkar Mühasib Sertifikatı) sertifikatını almışam. İndi isə bunun davamı olaraq, ICFM Maliyyə Menecmenti kursuna yazılmışam. Hesab edirəm ki, müasir dövrdə hər hansı bir nailiyyət əldə etməklə kifayətlənməyib irəli getmək, bilikləri yeniləmək və inkişaf etdirmək labüddür. Xüsusi olaraq vurğulamaq istərdim ki, bu missiyanı həyata keçirməkdə APFM-in mənə böyük dəstəyi var. Fürsətdən istifadə edərək, APFM kollektivini IFAC (International Federation of Accountants) üzvü olması ilə əlaqədar təbrik edirəm! Siz ən böyük uğurlara layiqsiniz! Əlavə olaraq bildirim ki, gələcəkdə APFM-dən yeni CPD və etika üzrə təlimləri səbirsizliklə gözləyirəm. Bütün bu proseslərdə Sizlərə yeni uğurlar və nailiyyətlər arzu edirəm!

Rəşad Həsənov

Azərbaycan Respublikası Maliyyə Nazirliyi Aparatının Ortamüddətli xərclər çərçivəsinin hazırlanması mərkəzinin direktor müavini
APFM maliyyə, mühasibatlıq, idarətmə sahəsində çalışan peşəkar mütəxəssisləri, maliyyə menecerlərini və mühasibləri özündə birləşdirən böyük bir Assosiasiyadır. Maliyyə və mühasibatlıq sahəsində bir sıra beynəlxalq təşkilatın üzvü olan APFM həyata keçirdiyi layihələr, maarifləndirici tədbirlər, təlim, forum və seminarlar vasitəsilə maliyyə-mühasibatlıq sahəsində çalışan mütəxəssislərin iqtisadi biliklərinin artırılmasında və ölkəmizdə peşəkar mühasiblərin yetişməsində, eləcə də bu sahədə çalışanlar arasında işgüzar münasibətlərin qurulmasında mühüm rol oynayır. Bu baxımdan Assosiasiyanın fəaliyyətini yüksək qiymətləndirir və fəaliyyətində uğurlar arzulayıram. Mən “Finansist” jurnalını maraqla izləyirəm və çox bəyənirəm. Fürsətdən istifadə edib jurnalınızın səhifələrində mənə yer ayırdığınız üçün minnətdarlığımı bildirirəm və hamınızı qarşıdan gələn Yeni il münasibətilə təbrik edir, gələcək işlərinizdə uğurlar diləyirəm.

Məhəbbət Abdulrzayeva

MONT MMC-də mühasib
“Peşəkar mühasib sertifikatı”nı necə əldə etdiyiniz haqqında danışa bilərsiniz?
İmtahanlar haqda eşitmişdim. Bir gün mühasib yoldaşlarımın birinin səhifəsində aldığı sertifikatı gördüm. Çox maraqlı gəldi. imtahanı Azərbaycan dilində verib, üğurla keçdikdən sonra Beynəlxalq sertifikat alırsan və PMS imtahanının 1-ci mərhələsindən azad olursan. APFM-lə əlaqə saxladım və Rauf müəllimin (Rauf Rzayev) dərslərinə qoşuldum. Ən münasibi o idi ki, evdən qoşulmaq imkanı var idi. Yanvarda dərslərə başladıq. İyulda imtahan verdim və sentyabrda cavablar çıxdı. Məlum oldu ki, nəticə müsbətdir. Yəni,mənim peşakarlığa gedən yolum APFM-dən başladı. 2022-ci ildə 2-ci mərhələyə hazırlaşıb imtahana girməyi planlaşdırırdım. Qeydiyyatın son 2-ci günündə müəllimlərimdən biri ilə rastlaşdım. məni sadəcə qeydiyyatdan keçməyə məcbur etdi. Qeydiyyatdan keçdim. Bu imtahanın da nəticəsi uğurlu oldu. Təşəkkürlər APFM!

Sadıqova Dilşad

ATL Tech MMC-nin baş mühasibi
“Peşəkar mühasib sertifikatı”nı necə əldə etdiyiniz haqqında danışa bilərsiniz?
AR Mühasibat uçotu haqqında qanunvericilikdə “Peşəkar mühasib” sertifikatı ilə bağlı dəyişikliklər edildikdən sonra mühasib yoldaşlarım ilə müzakirə edərək beynəlxalq sertifikat haqqında məlumatlar topladım. İmtahanı Azərbaycan dilində uğurla verərək Beynəlxalq sertifikat alırsan və PMS imtahanın birinci mərhələsindən azad olursan. Bunu nəzərə alaraq "RS Konstaltinq" təşkilatına müraciət etdilm. Sevil xanımın peşəkar təlimindən sonra APFM-də imtahan verərək ICFM (The İnstitute of Certified Financial Managers) diplomunu əldə etdim. Sonra isə APFM-də qanunvericiliklə bağlı Rəşad Əhmədovun təlim kurslarında iştirak etdim və nəticədə “Peşəkar mühasib” sertifikatını əldə etdim. Bununla bağlı hər iki təşkilata və professional təlimçilərə öz təşəkkürümü bildirirəm!

Kəmaləddin Quliyev

Aztelekom MMC-nin maliyyə direktoru
APFM-ə necə gəldiyiniz barədə nə deyə bilərsiniz?
Professional Maliyyə Menecerləri Assosiyasiyası beynəlxalq akkreditasiyalara malik olan peşəkar qurumdur. Mənim bu qurum ilə ilk tanışlığım 12 il əvvələ təsadüf edir. APFM tərəfi ndən təşkil olunmuş beynəlxalq kvalifi kasiya imtahanlarına hazırlıq təlimlərinə qoşuldum. İmtahanları müvəff əqiyyətlə keçdikdən sonra isə bu təşkilata üzv qəbul edildim. Bundan sonra APFM ilə daha yaxından əməkdaşlıq etməyə başladım və bugünədək uğurla bu əməkdaşlığı davam etdiririk. Qeyd edim ki, APFM üzvü olmaq maliyyə idarəetməsi sahəsində çalışan çoxsaylı professional mütəxəssislərlə, menecerlərlə bir araya gəlmək deməkdir. Bu böyük avantajdır, çünki bu, maliyyə sahəsində yenilikləri, mürəkkəb həlləri peşəkarlarla müzakirə edərək səmərəli qərarlar qəbul etmək imkanları yaradır. APFM 2016-cı ildən Avropanın Mühasiblər və Auditorlar Federasiyasının (EFAA) həqiqi üzvü seçilmiş, 2019-cu ildən isə Azərbaycan Respublikası Maliyyə Nazirliyinin müvafi q qərarına əsasən "Peşəkar mühasib təşkilatı” kimi akkreditasiya olunmuşdur.

Rasim Həsənov

İcbari Tibbi Sığorta üzrə Dövlət Agentliyinin Maliyyə Departamentinin rəhbəri
Azərbaycanın Professional Maliyyə Menecerləri Assosiasiyası (APFM) ilə necə tanış olmusunuz?
APFM tərəfindən təşkil edilmiş treninq və təlimlərdə iştirak etmişdim. Təlimlərdə iştirakımla bağlı “Maliyyə Hesabatlarının Beynəlxalq Standartları” və “Professional Maliyyə Meneceri” diplomlarını almışam. Eyni zamanda Sizin dəvətinizlə, tərəfinizdən təşkil edilən İspaniyada keçirilən Avropanın mühasib, audit və maliyyə sektoru üzrə tanınmış mütəxəssislərini cəmləşdirən böyük bir konfransa qatılmışdım. Konfransda müzakirə olunan mövzular mövcud qlobal bazar iqtisadiyyatının tələblərinə əsasən ölkəmizdə də fəaliyyət göstərən dövlət sektoru, iri müəssisə və təşkilatların öz mövqelərini qoruyub saxlaması, inkişaf etdirmələri üçün biznes prossesləri sisteminin səmərəliliyinin artırılması baxımından çox mühüm olmuş və beynəlxalq təcrübənin öyrənilməsində böyük əhəmiyyət kəsb etmişdir.

Nərgiz Kərimova

EY Azərbaycan şirkətinin audit üzrə partnyoru
Azərbaycanın Professional Maliyyə Menecerləri Assosiasiyası (APFM) ilə necə tanış olmusunuz?
APFM-la necə tanış olmusunuz? APFM-ə Sizin arzularınız. Mənə elə gəlir ki, APFM-i ömür boyu tanımışam. Çünki siz çox fəalsınız. Müəllimlər, təlimçilər hər zaman böyük hörmətə layiq olublar. APFM bir çox insanlara təlim keçirərək bilik və bacarıq qazandırır, onların maraqlarına uyğun işlə təmin olunmasına imkan yaradır. Bu, çox böyük xeyirxahlıqdır. APFM-ə bu yolda çoxlu uğurlar diləyirəm. Arzu edirəm ki, enerjiniz, yeni ideyalarınız və müvəffəqiyyətləriniz tükənməsin və əhalimizin inkişafına verdiyiniz töhfə həmişə artsın.