22 may 2019-cu il tarixində “Mühasublərin və Auditorların Peşəkar Təşkilatlarının Avrasiya Konfederasiyası” nın yaradılmasına dair saziş imzalandı

22 may 2019-cu il tarixində “Mühasiblərin və Auditorların Peşəkar Təşkilatlarının Avrasiya Konfederasiyası” nın yaradılmasına dair saziş imzalandı

22 may 2019-cu il tarixində Avrasiya regionunun müxtəlif ölkələrinin peşəkar mühasib və auditor təşkilatları arasında əməkdaşlığın gücləndirilməsi çərçivəsində APFM-in də daxil olduğu regional qrupun – “Mühasiblərin və Auditorların Peşəkar Təşkilatlarının Avrasiya Konfederasiyası” nın yaradılmasına dair saziş imzalandı.
Bu saziş 21.05.2019 tarixində Rusiya Federasiyasının Ticarət və Sənaye Palatasında IFAC, ICAEW və Rusiya Auditorlar Birliyi tərəfindən təşkil olunan "Etika kodeksi - mühasib və auditorun peşəsinin əsası: çağırışlar və imkanlar" adlı beynəlxalq konfransın və “Avrasiya regionunun mühasiblərinin peşəkar təşkilatlarının rolunun gücləndirilməsi" mövzusunda dəyirmi masanın nəticəsi kimi dəyərləndirilə bilər.
Saziş Azərbaycan, Qazaxıstan, Qırğızıstan, Litva, Moldova, Rusiya, Özbəkistanın peşəkar təşkilatlarının rəhbərləri, Belarusiya və Özbəkistan respublikası Maliyyə Nazirliyinin nümayəndələri və IFAC (Beynəlxalq Mühasiblər Federasiyası) nümayəndələri - Dr. Stavros Thomadakis -IESBA sədri və Ken Siong- IESBA-nın Tekniki Direktorunun iştirakı ilə imzalandı.
Sazişin bağlanmasında əsas məqsəd mühasibat uçotu və audit peşəsinin satusunun daha da artırılması, peşəsinin inkişafına dəstək, bölgədə mühasibat və audit peşəsi üçün ortaq etik, texniki və təhsil standartlarının inkişaf etdirilməsi, mühasiblər və auditorlara peşə haqqında vacib məlumatları bölüşmək üçün bir platforma ilə təmin edilməsi və s. kimi vacib məsələlərin həyata keçirilməsidir.