25.04.2023-cu il tarixində Azərbaycan Respublikası Maliyyə Nazirliyi yanında Maliyyə Elm- Tədris Mərkəzi (METM) və Azərbaycan Respublikasının Maliyyə Nazirliyinin...

25.04.2023-cu il tarixində Azərbaycan Respublikası Maliyyə Nazirliyi yanında Maliyyə Elm-
Tədris Mərkəzi (METM) və Azərbaycan Respublikasının Maliyyə Nazirliyinin
akkreditasiyasına əsasən peşəkar mühasib təşkilatı kimi fəaliyyət göstərən, Beynəlxalq
Mühasiblər Federasiyasının (IFAC) üzvü -Azərbaycan Professional Maliyyə Menecerləri
Assosiasiyası (APFM) arasında Əməkdaşlıq Memorandumu imzalanmışdır.
METM və APFM arasında imzalanan və tərəflər arasında qarşılıqlı iş birliyinin qurulmasını
təmin edən bu Əməkdaşlıq Memorandumuna əsasən, adı çəkilən tərəflər maliyyə,
mühasibat və vergi qanunvericiliyi üzrə ölkədə gedən islahatlara töhfə vermək,
mütəxəssislərin qeyd edilən sahələrə dair bilik və bacarıqlarını artırmaq, eləcə də onların
Peşəkar mühasib sertifikatı (PMS) imtahanlarına hazırlıq prosesinini daha da sürətləndirmək
və təkmilləşdirmək, ümumi maarifləndirmə işlərinin həyata keçirmək məqsədilə
memorandumda razılaşdırılan istiqamətlər üzrə əməkdaşlıq edəcək.
Memorandum çərçivəsində yaradılacaq işçi qrupu yaxın gələcəkdə PMS imtahanlarına
hazırlıq üçün təlim proqramlarının və tədris vəsaitlərinin hazırlanması və yenilənməsi üzrə
birgə fəaliyyət göstərəcək, bu sahədə mövcud problemlərin və gələcəkdə yaranacaq
sualların həllində koordinasiyanı və kompleks yanaşmanı təmin edəcək.